RDDP-2 ifishi y'usaba inkunga nyunganizi
Cohort 2 • Closes 31 Jul 2026
ITANGAZO RIHAMAGARIRA ABAKENEYE INKUNGA NYUNGANZI BINYUZE MU MUSHINGA WA RWANDA DAIRY DEVELOPMENT PROJECT – ICYICIRO CYA KABIRI (RDDP-2) WA RAB-SPIU UTERWA INKUNGA NA IFAD
Kilimo Trust Rwanda ku bufatanye n’Ikigo cy’Igihugu gishinzwe iterambere ry’ubuhinzi n’ubworozi (RAB) kibarizwa muri Minisiteri y’ubuhinzi n’ubworozi (MINAGRI), binyuze mu mushinga wo guteza imbere uruhererekane nyongeragaciro rw’amata mu Rwanda – icyiciro cya kabiri (RDDP-2) uterwa inkunga n’ikigega mpuzamahanga gishinzwe iterambere ry’ubuhinzi (IFAD), barahamagarira aborozi b’inka zitanga umukamo, mu byiciro byose (Abagabo, Abagore n’Urubyiruko) bakora mu ruhererekane nyongeragaciro rw’amata, gusaba inkunga nyunganzi (matching grants) ku bikoresho bikurikira:
- Amahema afata amazi (dam sheets) hamwe na nyonganyonga.
- Imashini zisya n’izikata ubwatsi (chopper machines).
- Ibigega bifata amazi pulasitike/ibyuma uhereye ku bifite Litiro 3,000 kuzamura (havuyemo ibyubatswe)
Urubyiruko n’abagore barashishikarizwa kwitabira iyi gahunda kuko bazahabwa amahirwe yihariye. Abemerewe gusaba iyi nkunga bagomba kuba bafite ibikorwa by’ubworozi bw’inka z’umukamo mu turere makumyabiri na turindwi (27) umushinga RDDP-2 ukoreramo aritwo utu dukurikira: Nyagatare, Gatsibo, Kayonza, Ngoma, Kirehe, Rwamagana, Bugesera, Gicumbi, Gakenke, Rulindo, Burera, Musanze, Nyabihu, Ngororero, Rubavu, Rutsiro, Karongi, Nyamasheke, Rusizi, Nyaruguru, Huye, Nyamagabe, Gisagara, Nyanza, Ruhango, Muhanga na Kamonyi.
Abifuza inkunga nyunganzi barasabwa kohereza imishinga yabo banyuze kuri uru rubuga kuva taliki ya 23 Kamena, 2026 kugeza taliki ya 31 Nyakanga, 2026.
Inyandiko zisaba inkunga zizasuzumwa harebwa ko zijyanye n’intego z’umushinga RDDP2, kandi abasaba bujuje ibisabwa bazamenyeshwa icyiciro gikurikiraho.
Ku bindi bisobanuro wahamagara kuri +250780208285 cyangwa ukegera umukozi w’umushinga RDDP-2 mu Karere uherereyemo kuva ku wa mbere kugeza ku wa gatanu, guhera saa tatu za mu gitondo (09:00) kugeza saa kumi n’imwe z’umugoroba (17:00).
UMUSHINGA WO GUTEZA IMBERE URUHEREREKANE NYONGERAGACIRO RW’AMATA MU RWANDA – ICYICIRO CYA KABIRI (RDDP-2)
INKUNGA NYUNGANZI (MATCHING GRANTS)
Amahirwe ahari:
- Amahema afata amazi (dam sheets) hamwe na nyonganyonga.
- Imashini zisya n’izikata ubwatsi (chopper machines).
- Ibigega bifata amazi bya pulasitike/ibyuma (havuyemo ibyubatswe)
Abemerewe gusaba:
Aborozi b’inka z’umukamo ku giti cyabo (urubyiruko, abagore n’abagabo) bujuje ibisabwa.
Inkunga nyunganizi itangwa n’umushinga RDDP-2:
- Amahema afata amazi (dam sheets) hamwe na pompe zikandagirwa ( Nyonganyonga)n’ibindi bikoresho byazo: 60% ku bagabo na 70% ku bagore n’urubyiruko
- Imashini zisya n’izikata ubwatsi (chopper machines): 50% ku borozi ku giti cyabo (Abagabo), na 70% ku bagore n’urubyiruko
- Ibigega bifata amazi (Guhera ku bya Litiro 3,000 kuzamura: 60% ku borozi ku giti cyabo (Abagabo), na 70% ku bagore n’urubyiruko
Inkunga nyunganizi ntarengwa ku bikoresho bitangwa:
- Dam sheets n’ibikoresho byayo: 2,874,215 Frw
- Imashini zisya/zikata ubwatsi: 2,155,661 Frw
- Ibigega bifata amazi: 1,095,000 Frw
Icyitonderwa:
- Gucukura ahazashyirwa amahema afata amazi, ibibumbiro by'amatungo azanywesherezamo, uruzitiro rwa damsheet bizishyurwa 100% n’uwasabye inkunga. Kubasaba ibigega bifata amazi nabo bagomba kwiyubakira 100% ahazaterekwa ibigega bifata amazi(Ibitebe) no gushyiraho imireko (100%).
- Abahawe indi nkunga ihuriweho mu mishinga nka KWAMP, PRICE 1 & 2, PASP, RDDP, SAIP I, SAIP II, KIIMP-2, PSAC, CDAT binyuze muri MINAGRI: Uruhare rw’uwasabye inkunga: 70%, Uruhare rwa RDDP-2: 30%
IBYANGOMBWA BISABWA KUBASABA INKUNGA
- Ibaruwa isaba inkunga nyunganzi isinywe, yandikiwe Umuyobozi wa Kilimo Trust
- Kopi y’indangamuntu
- Icyangombwa cy’ubutaka kiri mu mazina y’usaba
- Icyemezo cy’irangamimerere (marital status certificate)
- Ifishi y’umushinga yemejwe n’umukozi wa RDDP2 ku rwego rw’Akarere
- Icyemezo cya banki cyangwa MoMo/Airtel cyerekana ko amafaranga y’uruhare rw’usaba ahari.
- Proforma 3 zujuje neza kandi ziriho ibiranga igikoresho usaba akeneye
- Inyandiko yo kwiyemeza uburyo azacunga igikoresho azaterwaho inkunga(Sustainability plan)
IBINDI BY’INGENZI
Abemerewe inkunga nyunganizi bazasinya amasezerano na Kilimo Trust.
- Uwasabye agomba gutanga uruhare rwe mu gihe cy’ukwezi kumwe (1) nyuma yo gusinya amasezerano.
- Kwishyura bizakorwa binyuze kuri konti ya ya rwiyemezamirimo watanze ibikoresho, ibi bireba umugenerwa bikorwa ndetse na Kilimo Trust.
- Rwiyemezamirimo watanze ibikoresho asabwa gutanga inyemezabuguzi za EBM.
- Icyitonderwa: Abasabye mu cyiciro cya mbere ntibemererwe nabo bemerewe kongera gusaba.