IGITEKEREZO CY'UMUSHINGA
ITANGAZO RIHAMAGAZA IMISHINGA IZATERWA INKUNGA BINYUZE MURI KIIWP2- RAB SPIU/ UMUSHINGA UTERWA INKUNGA N’IKIGEGA MPUZAMAHANGA CYO GUTEZA IMBERE UBUHINZI N’UBWOROZI (IFAD).
Kilimo Trust ku bufatanye bw’Ikigo cy’Igihugu Gishinzwe Guteza Imbere Ubuhinzi n’Ubworozi (RAB) na Minisiteri y’Ubuhinzi n’Ubworozi (MINAGRI) binyujijwe mu mushinga KIIWP2 uterwa inkunga n’ikigega mpuzamahanga cyo guteza imbere ubuhinzi n’ubworozi (IFAD), irahamagarira amatsinda y’abahinzi, amakoperative, abikorera (companies),ihuriro ry’akoperative n’abikorera (Joint Venture) bakorera mu karere ka Kayonza bafite ibitekerezo by’imishinga kandi bifuza inkunga nyunganizi muruhererekane nyongeragaciro rw’ibihingwa bikurikira; Ibigori,Soya,ibishyimbo,ibijumba,ibirayi,imyumbati,umuceri, imboga n’imbuto.
Imishinga izahabwa inkunga nyunganizi ni imishanga igamije gufata neza umusaruro, yateguwe kandi ikorera mu karere ka Kayonza. Ibitekerezo by’imishinga bisaba inkunga nyuganizi byuzuzwa kandi bikoherezwa hifashishijwe ikoranabuhanga kuri uru rubuga buri munsi uhereye tariki 19 Mutarama 2026 kugeza 06 Gashyantare 2026.
Uwifuza kohereza ubusabe akanda ahanditse “Reba Ibisabwa”.
Imishinga izaba yakiriwe ikemezwa ko ihuye n’intego z’umushinga iterwa inkunga na RAB SPIU/KIIWP2 banyirayo bazamenyeshwa ikiciro gikurikira.
Ukeneye ibindi bisobanuro yahamagara kumurongo wa Tel: +250 780 208 285 kuva kuwa Mbere kugeza kuwa Gatanu saa 09:00 AM kugeza 05:00PM.
Mugire amahoro.
INKUNGA NYUNGANIZI (MATCHING GRANTS) ZA KIIWP-2
IBYICIRO BY’INKUNGA NYUNGANIZI
AMAHIRWE YA 1: Ibikoresho n’ibikorwaremezo byo gufata neza umusaruro
- Ishoramari ryemewe: Ubuhunikiro bw’umusaruro, ububiko bukonjesha (cold rooms), imbuga zo kumisha umusaruro, imashini zisarura (combine harvesters), imashini zihura (threshers), imashini zitandukanya umusaruro hagendewe ku bwiza (graders), ibikoresho byo gupima aflatoxin, imashini zipima ubuhehere (moisture meters), iminzani, n’ibindi bikoresho byo gufata neza no gutunganya umusaruro.
- Abemerewe inkunga: Amakoperative y’abahinzi, ibigo by’ubucuruzi mu buhinzi, n’imishinga ihuriweho n’abahinzi n’abikorera (joint venture).
- Ibihingwa byemerewe: Ibigori, soya, ibishyimbo, ibijumba, ibirayi, imyumbati, umuceri, imboga n’imbuto.
- Ijanisha ry’inkunga: 50% y’ishoramari ryose.
- Ingano ntarengwa y’inkunga: FRW 29,000,000.
- Inkunga ku bwishingizi bw’imyaka:
- Abasaba bo muri iki cyiciro bemerewe na 50% y’inkunga ku mafaranga y’ubwishingizi bw’imyaka yishyurwa n’uwashinganishije ibihingwa bye.
- Ingano ntarengwa y’inkunga ku bwishingizi bw’imyaka: FRW 7,251,500.
- Umubare w’imishinga izaterwa inkunga: Nibura imishinga 3 izahiga iyindi izaterwa inkunga mur’iki cyiciro.
AMAHIRWE YA 2: Imashini zumisha (Mechanical Dryers)
- Abemerewe inkunga: Ibigo byigenga bikorana n’amakoperative y’abahinzi mu Karere ka Kayonza.
- Ijanisha ry’inkunga: 40% y’ishoramari.
- Ingano ntarengwa y’inkunga: FRW 46,410,400.
- Ibisabwa:
- Ikigo kigomba kuba gifitanye amasezerano y'imikoranire yanditse n’amakoperative yo mu Karere ka Kayonza atarengeje gihe cy'imyaka ibiri (2) arangiye.
- Ishoramari rigomba gushyirwa mu bikorwa mu Karere ka Kayonza.
- Umubare w’imishinga izaterwa inkunga: Nibura imishinga 4 ifite ireme kurusha iyindi muri iki cyiciro izaterwa inkunga.
AMAHIRWE YA 3: Inyubako z’ubwanikiro, imbuga zo kwanikaho imyaka, n’imashini zihura imyaka.
- Ibihingwa byemerewe: Ibigori na soya.
- Ijanisha ry’inkunga: 50% y’ishoramari.
- Ingano ntarengwa y’inkunga: FRW 14,503,500.
- Ishoramari ryemewe: Inyubako z’ubwanikiro (hangari) zujuje ubuziranenge, imbuga zo kwanikaho imyaka, n’imashini zihura imyaka.
- Abemerewe inkunga: Amakoperative y’abahinzi b’ibigori na soya akorera mu Karere ka Kayonza.
- Umubare w’imishinga izaterwa inkunga: Nibura imishinga 30 ifite ireme kurusha iyindi.
IBISABWA BY’INGENZI
1. Ku makoperative n’amatsinda y’abahinzi
- Ibaruwa yasinywe n’abanyamuryango bose yemeza ubushake bwo gushora imari bafatanyije.
- Kopi y’indangamuntu y’uhagarariye koperative/ itsinda.
- Icyangombwa cya Koperative/itsinda.
2. Ku bigo by’ubucuruzi
- Indangamuntu z’abanyamigabane cyangwa abashoramari b’ikigo.
- Icyangombwa cy’ubucuruzi gitangwa na RDB.
- Ibaruwa isinywe n’abanyamigabane yemeza ubushake bwo gushora imari bafatanyije.
3. Ku mishinga ihuriweho (joint venture)
- Ibaruwa yasinywe n’ikigo cy'ubucuruzi na koperative/ itsinda ry’abahinzi yemeza imikoranire (joint venture).
- Icyangombwa cya koperative/ istsinda.
- Icyangombwa cy’ikigo cy'ubucuruzi gitangwa na RDB.
IBISABWA KU BUTAKA
Ku ishoramari risaba ubutaka nk’ubuhunikiro, imbuga zo kwanikaho imyaka, cyangwa inyubako zo kumishirizamo imyaka (hangari):, n'ibindi
- Ubutaka bugomba kuba buherereye mu Karere ka Kayonza.
- Kopi y’icyangombwa cy’ubutaka cyemewe (titre) cyangwa amasezerano y’ubukode bw’ubutaka
- Amasezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe.
ANDI MAKURU Y’INGENZI
- Imishinga izatoranywa mu kiciro cya mbere izahabwa ubufasha na Cordaid mu kunoza no gutegura imishinga yabo neza (busines plan).
- Abemerewe bazasinyana amasezerano y’inkunga na Kilimo Trust yo gushyira mu bikorwa uruhare rwabo mu gihe cy’amezi atatu (3) uhereye igihe amasezerano asinyiwe.
- Nyuma yo kugenzura no kugena agaciro k’ishoramari ryakozwe n’uwasabye inkunga (own contribution), Kilimo Trust izatanga inkunga (matching grant) nk’uko bizaba byemeranijwe mu masezerano.
- Uwasabye inkunga na Kilimo Trust bazishyura rwiyemezamirimo (contractor/supplier) watoranijwe n’uwasabye inkunga.