IGITEKEREZO CY'UMUSHINGA
ITANGAZO RIHAMAGAZA IMISHINGA IZATERWA INKUNGA BINYUZE MU MUSHINGA KIIWP2- RAB SPIU/ IMISHINGA ITERWA INKUNGA N’IKIGEGA MPUZAMAHANGA CYO GUTEZA IMBERE UBUHINZI N’UBWOROZI (IFAD).
Kilimo Trust ku bufatanye n’Ikigo cy’Igihugu Gishinzwe Guteza Imbere Ubuhinzi n’Ubworozi (RAB) na Minisiteri y’Ubuhinzi n’Ubworozi (MINAGRI) binyujijwe mu mushinga KIIWP2 uterwa inkunga n’ikigega mpuzamahanga cyo guteza imbere ubuhinzi n’ubworozi (IFAD), iramenyesha abahinzi ku giti cyabo, amatsinda y’abahinzi, amakoperative, abikorera (Companies), ihuriro rya koperative n’abikorera (Joint Venture) bakorera mu karere ka Kayonza ko hari amahirwe y’inkunga nyunganizi igenewe imishinga iri mu ruhererekane nyongeragaciro rw’ibihingwa bikurikira: Ibigori, Soya, Ibishyimbo, ibijumba, ibirayi, imyumbati, umuceri, imboga n’imbuto.
Imishinga izahabwa inkunga nyunganizi igomba kuba ijyanye no:
- Kuhira ku buso buto hakoreshejwe imirasire y’izuba cyangwa moteri.
- Imashini zifashishwa mu buhinzi/ mechanization tools and equipment
- Inyubako n’imashini/ ibikoresho bigenewe gufataneza umusaruro ukomoka kubuhinzi:
- Imashini zumisha umusaruro wibigori/mechanical dryer
- Ubwanikiro (store/ warehouse)
- Ubwanikiro bw’ibigori (hangari)
- Imbuga zo kwanikaho imyaka (drying ground)
- Imishini zihiungura ibigori (threshers)
- N’ibindi bikoresho/ imashini byifashishwa mu gufataneza umusaruro (post-harvest handling equipment).
Imishinga izahabwa inkunga nyunganizi ni imishanga yateguwe gukorera mu karere ka Kayonza. Imishinga isaba inkunga nyuganizi yuzuzwa kandi ikoherezwa hifashishijwe ikoranabuhanga uhereye taliki 21/07/2026 kugeza taliki 21/08/2026. Uwifuza kohereza ubusabe akanda ahanditse "Reba ibisabwa"
Imishinga izakirwa ikemezwa ko ihuye n’intego z’umushinga wa KIIWP2 banyirayo bazamenyeshwa icyiciro gikurikira.
Ukeneye ibindi bisobanuro yahamagara kumurongo wa Tel: +250 780 208 285,Kuva saa 09:00am kugeza 05:00 pm. cyangwa akatwandikira kuri Email adminrwanda@kilimotrust.org.
Murakoze.
IBYICIRO BY’ISHORAMARI N’INGANO Y’INKUNGA NYUNGANIZI IHABWA IMISHINGA
AMAHIRWE YA 1: Ibikoresho n’ibikorwaremezo byo gufata neza umusaruro
- Ishoramari ryemewe: Ubuhunikiro bw’umusaruro, ububiko bukonjesha (cold rooms), imbuga zo kumisha umusaruro, imashini zisarura (combine harvesters), imashini zihura (threshers), imashini zitandukanya umusaruro hagendewe ku bwiza (graders), ibikoresho byo gupima aflatoxin, imashini zipima ubuhehere (moisture meters), iminzani, n’ibindi bikoresho byo gufata neza no gutunganya umusaruro.
- Abemerewe inkunga: Amakoperative y’abahinzi, ibigo by’ubucuruzi mu buhinzi, n’imishinga ihuriweho n’abahinzi n’abikorera (joint venture).
- Ibihingwa byemerewe: Ibigori, soya, ibishyimbo, ibijumba, ibirayi, imyumbati, umuceri, imboga n’imbuto.
- Ijanisha ry’inkunga: 50% kuma koperative, 40% ku bigo by’ubucuruzi.
- Ingano ntarengwa y’inkunga:
- FRW 58,000,000 (Ubuhunikiro bw’umusaruro, ububiko bukonjesha (cold rooms))
- FRW 116,000,000 (Imashini zumisha (Mechanical Dryers))
- FRW 29,000,000 (Inyubako z’ubwanikiro, imbuga zo kwanikaho imyaka, n’imashini zihura imyaka)
- Inkunga ku bwishingizi bw’imyaka: Abasaba bo muri iki cyiciro bemerewe na 50% y’inkunga ku mafaranga y’ubwishingizi bw’imyaka yishyurwa n’uwashinganishije ibihingwa bye. Ingano ntarengwa y’inkunga ku bwishingizi bw’imyaka: FRW 14,000,000.
AMAHIRWE YA 2: Kuhira ku buso buto (small-scale irrigation)
a. Ishoramari ryemewe: Kuhira hifashishijwe utuyoboro/udutiyo duto (Drip irrigation), Kuhira hakoreshejwe imashini zisuka amazi nk’imvura (Sprinkler irrigation), Kuhira hakoreshejwe imiyoboro ifite imiryango igenzura amazi (Gated pipe system), Ibikoresho byuhira bisuka amazi nk’imvura (Rain hose), Ibikoresho byimukanwa bisuka amazi mu murima nk’imvura (portable rain gun), Amariba acukuwe yo kuhira imyaka (dams/reservoirs and boreholes).
b. Abemerewe gusaba: Abahinzi ku giti cyabo, amatsinda, amakoperative, cyangwa ibigo by'ubucuruzi bikorera mu Karere ka Kayonza.
c. Ingano y’inkunga nyunganizi: 70% ku bagore n’urubyiruko, 50% ku makoperative, amatsinda n’abagabo barengeje imyaka 30, na 40% ku bigo by'ubucuruzi.
d. Ingano ntarengwa y’inkunga nyunganizi: 10,150,000 Frw ku bagore n’urubyiruko; 7,250,000 Frw ku makoperative n’amatsinda, na 5,800,000 Frw ku bigo by’ubucuruzi.
AMAHIRWE YA 3: Imashini zikoreshwa mu buhinzi (Mechanization)
a. Ibihingwa birebwa: Ibigori, soya, ibishyimbo, ibijumba, ibirayi, imyumbati, umuceri, imboga n’imbuto.
b. Ijanisha ry’inkunga nyunganizi: 70% ku bagore n’urubyiruko , 50% ku makoperative n’amatsinda , 40% ku bigo by'ubucuruzi.
c. Ingano ntarengwa nyunganizi: 10,150,000 Frw ku bagore n’urubyiruko , 7,250,000 Frw ku makoperative , 5,800,000 Frw ku bigo by'ubucuruzi.
d. Ishoramari ryemewe: Imashini n’ibikoresho by’ubuhinzi (gutegura ubutaka, gutera, kurinda imyaka, gusarura)
e. Abemerewe gusaba: Abahinzi, amatsinda, amakoperative, ibigo by'ubucuruzi.
IBISABWA KU BAZASABA
A) Abahinzi ku giti cyabo
1) Ibaruwa isaba
2) Ifishi yemeza ubushake
3) Kopi y’indangamuntu
4) Icyangombwa cy’ubutaka cyangwa masezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
B) Amakoperative
1. Ibaruwa yasinywe n’abanyamuryango bose yemeza ubushake bwo gushora imari bafatanyije
2. Indangamuntu y’ubahagarariye
3. Icyemezo cya RCA
4. Icyangombwa cy’ubutaka cyangwa masezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
5.Ifishi yemeza ubushake
C) Ibigo by’ubucuruzi
1) Indangamuntu z’abafatanyabikorwa
2) Icyemezo cya RDB
3) Icyangombwa cy’ubutaka cyangwa masezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
4)Ifishi yemeza ubushake
D) Ihuriro ry'abikorera na koperative
1.Icyangombwa cy’ubutaka cyangwa masezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
2.Ifishi yo kwiyemeza
3.Icyemezo cya RDB cy'iyandikwa
4.Indangamuntu z'abanyamuryango
5.Ibaruwa yashyizweho umukono n'urwego rw'abikorera na koperative yemeza imikoranire
6.Icyemezo cya RCA cy'iyandikwa cya koperative
E) Itsinda
1. Ibaruwa yasinywe n’abanyamuryango bose yemeza ubushake bwo gushora imari bafatanyije
2. Indangamuntu y’ubahagarariye
3. Icyangombwa cy’ubutaka cyangwa masezerano y’ubukode bw’ubutaka agomba kuba atari munsi y’imyaka itanu (5) uhereye igihe ubusabe bwatangiwe
4.Ifishi iriho imikono y’abanyamuryango b’itsinda n’uruhare rwabo
5.Ifishi yemeza ubushake
ICYITONDERWA KU BUTAKA
1) Bugomba kuba buherereye mu karere ka Kayonza
2) Kuba bufite icyangombwa cyemewe
3) Bufite amasezerano y’ubukode agomba kuba atari munsi y’imyaka itanu (5) uhereye igihe ubusabe bwatangiwe.
ANDI MAKURU YINGENZI
1. Abemerewe bazasinyana amasezerano y’inkunga nyunganizi na Kilimo Trust.
2. Uwasabye agomba gutanga uruhare rwe mu mezi abiri(2) uhereye igihe amasezerano asinyiwe.
3. Inkunga itangwa nyuma yo kugenzura ibikorwa.
4. Uwasabye inkunga nyunganizi na Kilimo Trust bazishyura rwiyemezamirimo (contractor/supplier) watoranijwe n’uwasabye inkunga nyunganizi.
Itariki ntarengwa yo gutanga ubusabe: 21/08/2026